«Քոչարյանի փաստաբանները նպատակ ունեն ամեն կերպ ձգձգել դատավարությունը». Վաչագան Ֆարմանյան

244

Երկուշաբթի, 25 նոյեմբերի, 2019 թ., 17:15

Այսօր՝ «Մարտի 1-ի» զոհերի հիշատակը հավերժացնող հուշարձանի բացման արարողությունից հետո, Արմեն Ֆարմանյանի հայրը՝ Վաչագան Ֆարմանյանը, լրագրողների հետ զրույցում անդրադառնալով Մարտի 1-ի գործով դատավարությանը, դժգոհեց դրա ընթացքից. «Մենք միշտ մասնակցում ենք դատավարությանը, շատ վատ ընթացք է գնում: Նախկին իշխանությունները թող իմանան, որ հայ ժողովուրդը կանգնած է արդարության կողքին... արդարությունը չի մահանում, կենդանանում է»:

Վերջինի խոսքով՝ Ռոբերտ Քոչարյանի փաստաբանները նպատակ ունեն ամեն կերպ ձգձգել դատավարությունը: «Ես գտնում եմ, որ նա անպայման պետք է մնա փակի տակ, մինչև իր կալանքը տեղափոխվի բերդ»,- ասաց Ֆարմանյանը:

Տեղեկացնենք, որ այսօր Արմեն Ֆարմանյանի ծննդյան օրն է: