Հունաստանում ուժգին երկրաշարժ է տեղի ունեցել

Հունաստանի Կրետե կղզու ափերի մոտ այսօր առավոտյան տեղի ժամանակով ժամը 9:23-ին, տեղի է ունեցել 6,1 բալ ուժգնության երկրաշարժ։ Երկրաշարժի էպիկենտրոնը գտնվել է Խանյա քաղաքից 74 կմ հյուսիս-արևմուտք՝ 71 կմ խորության վրա: Ըստ տեղեկությունների՝ մարդիկ տարհանվել են տարբեր շինություններից, զոհերի ու վնասների մասին դեռևս տեղեկություններ չկան։ Տեղացի սեյսմոլոգները հայտնում են, որ այս երկրաշարժը կապված չէ նախօրեին՝ նոյեմբերի 26-ին, Ալբանիայում և Բոսնիայում տեղի ունեցած երկրաշարժերի հետ։