«Կուզենայի նույն անկեղծությամբ պարզաբաներ՝ հատկապես ՀՀ ղեկավար ինչպե՞ս է դարձել». Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրել է. «Քոչարյանն ասել է՝ երկրագնդի վրա երկու հայկական պետություն կա, երկուսում էլ ղեկավար եմ եղել: Գովելի անկեղծություն է: Կուզենայի նաև նույն անկեղծությամբ պարզաբաներ, թե հատկապես Հայաստանի Հանրապետության ղեկավար ինչպես է դարձել: Որպես ՀՀ քաղաքացի ակնկալում եմ պարզաբանում երկու ժամկետների մասին՝ առանձին-առանձին և հանգամանորեն: Եվ առանձնապես սպասում եմ Քոչարյանի պարզաբանմանը, թե ինչու 2008-ին ժողովրդի վրա կրակելու հրաման տվեց: Այն հանրապետության քաղաքացիների, որի ղեկավարն էր ինքը: Կուզենայի նաև, որ Ռոբերտ Քոչարյանը իր՝ նախագահության տարիները հիշեցնելով հարգանք ակնկալելու փոխարեն նախ ինքը հարգանք դրսևորեր ՀՀ քաղաքացիների և դատարանի նկատմամբ և հիշողության նույն պայծառությամբ ներկայացներ քսան տարում Հայաստանում իր արածների ողջ ցանկը: Առանց բացառության»: