Չորեքշաբթի, 31 դեկտեմբերի, 2025 թ.
|
Ստեփանակերտում`   -3 °C

Ադրբեջանի նախագահն անհնար է համարել ԵՄ-ը անդամակցելը

Ադրբեջանի նախագահն անհնար է համարել ԵՄ-ը անդամակցելը
1056
Երեքշաբթի, 24 դեկտեմբերի, 2019 թ., 20:10

Ադրբեջանը ձեռնարկեց բոլոր այն քայլերը, որոնք անհրաժեշտ են ԵՄ-ն անդամակցելու համար, հետագա գործողությունները կլինեն անարդյունք, հայտարարել է Ալիևը, փոխանցում է «Интерфакс» գործակալությունը:

Նա նշել է, որ Ադրբեջանը ԵԱՀԿ, Եվրոպայի խորհրդի և եվրոպական այլ կառույցների անդամ է: Բայց հնարավոր չէ խոսել եվրոպական ինտեգրման մասին՝ որպես ԵՄ անդամակցություն:

Ավելին, իրավիճակը նման է բալկանյան երկրներին, որտեղ եվրոպական ինտեգրումը ժամանակավորապես դադարեցվել է: «Սա հանգեցրեց այս երկրներում ներքին բախումների, ցույցերի, հասարակությունը մասնատված է»,- խոսել է Ալիևը Մակեդոնիայի իրավիճակի մասին: Նա մեջբերել է Թուրքիայի օրինակը: «Թուրքիան ԵՄ-ի հետ ե՞րբ է ստորագրել ասոցացման համաձայնագիրը: Իսկ կա՞ արդյոք արդյունք: Չկա՛: Սա մեծ անարդարություն է: 2000թ-ից սկսած նախկին սոցիալիստական բլոկի մի շարք երկրներ անդամակցել են ԵՄ-ը, իսկ նրանք ավելի ուժեղ են, զարգացած, քան Թուրքիա՞ն: Ինչո՞ւ են նրանք անդամակցել ԵՄ-ը, իսկ Թուրքիան՝ ո՛չ: Հարցը հռետորական է: Սա միայն այն պատճառով է, որ Թուրքիան մահմեդական երկիր է: Այս դեպքում Ադրբեջանին կանդամակցե՞ն այնտեղ, իհարկե՝ ո՛չ»,- նշել է Ալիևը: