Թուրքիան Իդլիբում հարվածել է 40 թիրախների

2534

Երկուշաբթի, 03 փետրվարի, 2020 թ., 15:15

Թուրքական օդուժի F-16 կործանիչները, ինչպես նաև հրետանային անձնակազմերը 40 թիրախների ուղղությամբ Սիրիայի Իդլիբ նահանգում կրակ են բացել՝ ի պատասխան թուրքական զորքերի հրետակոծության, որի հետևանքով զոհվել է 4 և վիրավորվել 9 զինծառայող: Այս մասին լրագրողների հետ զրույցում հայտնել է Թուրքիայի նախագահ Ռեջեփ Թայիփ Էրդողանն Անկարայում՝ փետրվարի 3-ին ծրագրված Ուկրաինա այցից առաջ, հայտնում է ТАСС գործակալությունը։
Ըստ Էրդողանի հայտարարության՝ 40 թիրախներին ուղղված հարվածների հետևանքով սպանվել է 35 սիրիացի։

«Մենք հաղորդագրություն ենք ուղարկել Ռուսաստանին՝ խնդրելով չխոչընդոտել Թուրքիայի գործողություններին Իդլիբում, քանի որ գործողությունների նպատակը Սիրիայի նախագահ Բաշար ալ-Ասադի ռեժիմի տապալումն է»,- հայտարարել է Էրդողանը: