Xiaomi-ն թողարկել է «խելացի» զուգարանակոնք՝ ավտոմատ կափարիչով և բարձրության կարգավորմամբ

Xiaomi-ն իր Youpin հարթակում գործարկել է Jenner XS ամբողջովին ավտոմատացված «խելացի» զուգարանակոնքը:
Սարքավորման ավտոմատացված կարգավորման համակարգն արտոնագրված է ընկերության կողմից։ Նստատեղի բարձրությունը կարող է փոփոխվել 415-ից մինչև 515 մմ, ուստի Jenner XS-ի օգտագործումը առավելագույնս հարմարավետ կլինի ինչպես երեխաների, այնպես էլ մեծահասակների համար:
Խելացի զուգարանակոնքն առաջարկում է փափուկ և արդյունավետ ջրային մաքրման տեխնոլոգիա, որից հետո ակտիվանում է տաք օդի գործառույթը։
Կափարիչն ավտոմատ կերպով բարձրանում է, երբ ինչ-որ մեկը մոտենում է, և ինքնուրույն փակվում, ուստի հարկավոր չէ ձեռքով դիպչել:
Զուգարանի նստատեղն ունի ջերմաստիճանի հնգաստիճան կարգավորում, ինչը հարմարավետ է դարձնում դրա օգտագործումը նաև ձմռանը:
Jenner XS-ի արժեքն ավտոմատացված կափարիչով տարբերակի դեպքում կազմում է 800 ԱՄՆ դոլար, իսկ ձեռքով բացվող տարբերակի դեպքում՝ 665 ԱՄՆ դոլար։