Ադրբեջանցիների 30 հոգանոց խումբը Քյոլնում հարձակվել է հայ գործարարին պատկանող բարի վրա

221

Հինգշաբթի, 30 հուլիսի, 2020 թ., 12:45

Հուլիսի 23-ի լույս 24-ի գիշերը ադրբեջանցիների խումբը (մոտ 30 հոգի) հարձակվել ու կոտրել է Գերմանիայի Քյոլն քաղաքում հայ գործարարին պատկանող բարի պատուհանները, տակնուվրա արել գույքը: Այս մասին գերմանական ԶԼՄ-ները հայտնել են հուլիսի 28-ին, գրում է Զարթոնք Մեդիան։

Ըստ նախնական տեղեկությունների՝ կեսգիշերին մոտ ադրբեջանցիների խումբը հավաքվել է բարի մուտքի դիմաց: Հայ սեփականատերը պատմել է, որ դիմակավորված անձինք, ովքեր հայտնել են, որ իրենք ադրբեջանցիներ են, հարցրել են՝ արդյոք նա հա՞յ է, ապա անցել գործողությունների:

Տուժողի գույքին պատճառվել է զգալի վնաս․ այլ մանրամասներ չեն հաղորդվում։