Իտալիայի նախկին փոխվարչապետին սպառնում է 15 տարվա ազատազրկում

1364

Ուրբաթ, 31 հուլիսի, 2020 թ., 15:50

Իտալիայի Սենատը թույլ է տվել քրեական գործ հարուցել նախկին փոխվարչապետ և ներքին գործերի նախարար Մատեո Սալվինիի դեմ: Նա մեղադրվում է 2019-ի օգոստոսին ներգաղթյալների մուտքն Իտալիա արգելելու համար, գրում է BBC News-ը: «Lega Nord» աջակողմյան լիգայի առաջնորդ Սալվինին մեղադրվում է ավելի քան 100 փախստականի ապօրինի կալանավորելու մեջ։ Վերջինները Հյուսիսային Աֆրիկայից 19 օր շարունակ նավարկել են, սակայն նրանց թույլ չեն տվել ուղևորվել Լամպեդուսա նավահանգիստ:

Նախկին պաշտոնյային սպառնում է մինչև 15 տարվա ազատազրկում: Նշվում է, որ նրա մասնակցությամբ հետաքննվում է ևս մեկ գործ: