«Ժամանակն է հրապարակել նախորդ 26 տարիների բանակցային փաստաթղթերի բնօրինակների ողջ փաթեթը». Արսեն Խառատյան
![]() 109 Հինգշաբթի, 14 հունվարի, 2021 թ., 10:05 «Ալիք մեդիա»-ի գլխավոր խմբագիր Արսեն Խառատյանը ֆեյսբուքյան իր էջում գրել է. «Գաղտնազերծել բանակցային բոլոր փաստաթղթերը, կամ՝ լռել Արցախյան կարգավորման ԵԱՀԿ Մինսկի խմբի ռուսաստանցի համանախագահ Իգոր Պոպովը ՌԴ ԱԳՆ-ի պաշտոնական կայքի միջոցով արձագանքել է Նիկոլ Փաշինյանի կողմից՝ ՀՀ Վարչապետի պաշտոնական կայքում հրապարակած հոդվածին: Պոպովը պնդում է, թե Փաշինյանը փաստեր է խեղաթյուրում՝ մանրամասներ ներկայացնելով ընդհուպ մինչև 2019-ի հունիս ամսին կողմերին ներկայացված առաջարկությունների վերաբերյալ: Մի կողմ թողնենք ռուսաստանցի դիվանագետի մոտիվներն ու դրա էթիկական հատվածը. ի՞նչ պետք է անենք մենք: Ինչպես գիտենք, 1994-ից ի վեր, արցախյան բանակցային ողջ գործընթացը վարվել է գաղտնիության սկզբունքով: Դրանց որոշ հատվածներ ոչ պաշտոնական խողովակներով հրապարակվել, կամ գաղտնազերծվել են ներկա ու նախկին պաշտոնյաների, Մինսկի խմբի համանախագահների, փորձագետների ու լրագրողների կողմից: Արցախյան բանակցային գործընթացը՝ Քի Վեսթից մինչև Մադրիդյան սկզբունքներ, Կազանի փաստաթուղթ և անդին, տարբեր փուլերում իր մի շարք հոդվածներում հրապարակել է իմ գործընկեր Թաթուլ Հակոբյանը՝ ANI Armenian Research Center կայքում, սակայն դրանք երբեք պաշտոնական փաստաթղթեր չեն եղել: Իրենց պաշտոնավարման ընթացքի բանակցային տվյալներ են հրապարակել արտգործնախարարներ Վարդան Օսկանյանն ու Էդուարդ Նալբանդյանը, մինչդեռ 90-ականների բանակցությունների մանրամասնություններին մեծամասամբ առնչվում ենք պրոֆեսոր Ժիրայր Լիպարիտյանի և առաջին նախագահ Լևոն Տեր-Պետրոսյանի մենագրությունների, հոդվածների, հարցազրույցների ու ելույթների միջոցով: Ցավոք, սակայն, այս մասով ևս բնօրինակները սակավաթիվ են: Հաշվի առնելով ստեղծված նոր իրողությունները՝ թերևս ժամանակն է հրապարակել նախորդ 26 տարիների բանակցային փաստաթղթերի բնօրինակների ողջ փաթեթը, որոնք պետք է գտնվեն գործող քաղաքական մեծամասնության տնօրինության ներքո: Այսպիսով, նախ՝ հստակեցումներ կմտցվեն ներհայաստանյան հանրային-քաղաքական դաշտում, և ապա կկանխվեն ապագայի ներքին ու արտաքին հնարավոր նոր շահարկումները: Մեր երկրի ու ժողովրդի համար այս լրջագույն մարտահրավերների շրջանում գործող պետական բարձրաստիճան պաշտոնյաները պետք է հասկանան, որ կամ՝ ամբողջական ծավալով լույս են սփռում անցյալի անգամ ամենածանր իրողությունների վերաբերյալ, կամ՝ դադարեցնում են մասնակի ներկայացնել պաշտոնական փաստաթղթերը, որոնք խորացնում են ճգնաժամն ու ավելացնում վտանգները»: |
«Հարցն օրակարգում է». Մակունցը՝ ԱՄՆ-ում իրեն դեսպան նշանակելու լուրերի մասին
75Երեկ, 21:05«Ե՛վ ապրելու, և՛ պետություն վերածնելու, և՛ կործանվելու ելքերը հավասարաչափ հավանական են լինելու». Գևորգ Գալստյան
67Երեկ, 18:30«Հայ ժողովուրդը Նիկոլին հեռացնելով կարող է ինքն իրեն փրկել». Անդրանիկ Թևանյան
109Երեկ, 16:50«Միացրեք ձեր ուղեղները». Պեսկովը մեկնաբանել է Պուտինին վերագրվող պալատի վերաբերյալ հարցը (տեսանյութ)
279Երեկ, 16:00«ՀՀ-ում ինչո՞ւ են այդքան ատում այլ երկրների իշխանություններին ու պաշտում ընդդիմություններին». Կ. Հովհաննիսյան
98Երեկ, 03:05«Եթե հրաժարական չեն տալիս, ինչպե՞ս պիտի դրսևորվի քաղաքական պատասխանատվությունը». Ռ. Մելիքյան
93Երեկ, 02:05«Հիշո՞ւմ եք, որ երկուսով Շուշիում ուտում-խմում, երգում-պարում էիք». Միհրան Հակոբյան (լուսանկար)
151Երեկ, 01:05«Մակունցը նույնքան դիվանագետ է, որքան Նիկոլ Փաշինյանը՝ ռազմական գործի մասնագետ». Կարինե Հարությունյան
24Երեկ, 00:40