«Պատուհան, տանիքի թիթեղ փոխելու համար գոյություն ունի ընթացակարգ». Նարեկ Բարսեղյան

«Երկար տարիներ տան վերանորոգման աշխատանքների համար թույլտվություն չի պահանջվել ու տուգանք չի եղել և մարդիկ, սովորույթի ուժով, որոշակի աշխատանքներ են կատարում՝ պատուհան փոխում, կամ տան ներսում վերանորոգում անում, ու տուգանվում են: Կցանկանայի բնակիչներին մանրամասնեիք՝ ի՞նչ թույլտվություն է անհրաժեշտ նման աշխատանքների համար»,- հարց բարձրացրեց ավագանու անդամ Արման Բաբաջանյանը: Քաղաքապետ Տիգրան Ավինյանն ասաց, որ, այո՛, իրազեկվածության բարձրացման խնդիր կա ու Ճարտարապետության և քաղաքաշինության վարչության պետ Նարեկ Բարսեղյանին խնդրեց պարզաբանել: «Ունենք էսքիզային նախագծի համաձայնեցման կետ: Պատուհանների փոխարինման, տանիքի թիթեղի փոխարինման վերաբերյալ գոյություն ունի պարզեցված ընթացակարգ, որը մեր կողմից արագ դիտարկվում ու կարճ ժամանակում համաձայնեցվում է, որի արդյունքում քաղաքացին հնարավորություն ունի այդ փաստաթուղթը ստանալուց հետո իր աշխատանքն իրականացնել ու հասցնել ավարտին: Այսինքն՝ նախագծման թույլտվություն, շինթույլտվություն, ավարտական ակտ նման աշխատանքների համար նախատեսված չեն»,- նշեց Բարսեղյանը: Քաղաքապետը շարունակեց. «Այսինքն՝ պատուհանի փոխարինում, տանիքի թիթեղների փոխարինում, արտաքին պատերի ներկում, այսինքն՝ ոչ հիմնարար աշխատանքներ...բայց էսքիզ ասվածը նույնպես ճարտարապետի կողմից ստեղծված փաստաթուղթ է, ու որպեսզի այն համաձայնեցվի քաղաքապետարանի կամ վարչական շրջանի հետ, պետք է ճարտարապետն այս նվազագույն աշխատանքը կատարի, դա կցվի դիմումին, դիմվի քաղաքապետարան, ստանան թույլտվությունն ու իրականացնեն աշխատանքները»:

«Երբ հանրային լրատվամիջոցը նույն հանրության ձեռքում կառավարությանը վերահսկելու գործիք է, ոչ թե հակառակը». Արշալույս Մղդեսյան
5001:12
Բանանով ճամփորդը. թեմատիկ զրույց՝ Էդգար Ղազարյանի հետ (տեսանյութ)
7400:06
ԱՄՆ-ի երրորդ ավիակիրն է ժամանել Մերձավոր Արևելք
172Երեկ, 23:55
«Պետություն-մասնավոր համագործակցությո՞ւն, թե՞ խնամի-ծանոթ-բարեկամ». Անուշ Պողոսյան
75Երեկ, 23:48
Իրանը Հորմուզի նեղուցի վրա խոցել է ամերիկյան MQ-1 անօդաչու թռչող սարք
121Երեկ, 23:43
Սաուդյան Արաբիայում հայտնաբերվել են անսովոր երկրաչափությամբ առեղծվածային քարե շրջաններ (լուսանկար)
135Երեկ, 23:30
Ղրիմի կամուրջը զգալի վնասներ է կրել Ուկրաինայի ԶՈՒ հարվածի հետևանքով․ կամարը թեքվել է
128Երեկ, 23:19
Աննա Հակոբյանն ու Սրբուհի Գալյանը ներկա են եղել ընտանեկան բռնության թեմայով բանավեճին
75Երեկ, 22:42