Ռուստամ Ստեփանյանը (Չաղ Ռուստամ) կմնա կալանքի տակ

Երևանի ընդհանուր իրավասության քրեական դատարանը դատավոր Մասիս Մելքոնյանի նախագահությամբ որոշեց այս անգամ ազատ չարձակել «Չաղ Ռուստամ» անունով հայտնի քրեական հեղինակություն Ռուստամ Ստեփանյանին, նրա կալանքի ժամկետը երկարացվեց 21 օրով․ այս մասին հայտնում է «Հրապարակ»-ը։

Հիշեցնենք, որ Ռուստամ Ստեփանյանին Մելքոնյանը ազատ էր արձակել այս տարվա ամռանը, իսկ դատախազը բողոքարկել էր որոշումը, որը բավարարվել էր։ Դրա արդյունքում Ստեփանյանը հայտնվել էր կրկին բանտում։

Հիշեցնենք՝ Ռուստամ Ստեփանյանին մեղադրանք է առաջադրվել «Ֆազ» մականունով քրեական հեղինակություն Սերգեյ Գրիգորյանի սպանությունը կազմակերպելու և մի խումբ անձանց հետ նախնական համաձայնությամբ ապօրինի հրազեն ձեռք բերելու ու պահելու համար: