Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Հարցս ուղղված էր վարչապետին, հետևաբար, զբաղեցրեք ձեր տեղը»․ Անի Սամսոնյան

«Հարցս ուղղված էր վարչապետին, հետևաբար, զբաղեցրեք ձեր տեղը»․ Անի Սամսոնյան
400
Չորեքշաբթի, 20 հունվարի, 2021 թ., 17:45

ԱԺ «Լուսավոր Հայաստան» խմբակցության պատգամավոր Անի Սամսոնյանն, այսօր ԱԺ-Կառավարություն հարցուպատասխանի ժամանակ դիմելով վարչապետ Փաշինյանին, հետաքրքրվեց. «Խնդրում եմ ասել, թե ինչու հայկական կողմը, ձեր գլխավորությամբ, Մոսկվայից ռազմագերիների հարցով վերադարձավ գլխիկոր»:

Հարցին պատասխանելու համար ամբիոնին մոտեցավ փոխվարչապետ Մհեր Գրիգորյանը. «Հայտարարության 9-րդ կետը կատարման դեռևս սկզբնական փուլում է և դեռ մեծ հարց է կամ սխալ կլինի պնդել, որ 9-րդ կետի կատարումը չի նպաստելու 8-րդ կետի կատարմանը: Ժամանակը ցույց կտա»,- ասաց փոխվարչապետը:

Արձագանքելով Մհեր Գրիգորյանին՝ ԼՀԿ-ական պատգամավորն ասաց. «Պարո՛ն Գրիգորյան, Դուք իմ հարցին պատասխանում եք Ձե՞ր ցանկությամբ, թե՞ վարչապետի ցուցումով: Իմ հարցն ուղղված է ՀՀ վարչապետին: Եթե Դուք պատասխանում եք Ձեր ցանկությամբ, ապա ասեմ, որ Դուք իմ հարցի հասցեատերը չեք: Իսկ եթե Դուք իմ հարցին պատասխանում եք վարչապետի ցուցումով, ապա դա նշանակում է, որ ինչպես Մոսկվայում վարչապետը չկարողացավ լուծել այդ հարցը, ապա նաև այստեղ ԱԺ-ում պարզապես ունակ և կարող չէ իմ հարցին տալ պատասխան: Հետևաբար, խնդրում եմ զբաղեցնել Ձեր տեղը, ես Ձեզ արձագանքելու ոչինչ չունեմ»: