«Ինչու գրեթե ոչ մի ոլորտում համաշխարհային շուկայի համար մրցունակ մասնագետներ չունենք». Գարրի Արզումանյան

Նկարիչ Գարրի Արզումանյանը ֆեյսբուքյան իր էջում գրել է. «Գրքի խմբում նոր մի պոստ եմ կարդում, որտեղ գրքեր են ներկայացված՝ միջինը 6000 դր արժեքով: Տակը քոմենթ եմ կարդում, թե մեր երկրի համար դա թանկ է:
Օքեյ: Չեմ բացառում, որ ինչ-որ մեկի համար իրոք գործնականում անհնար է 6000 դրամով գիրք գնել: Չնայած գրքի նման արժեքն իր պատճառներն ունի, այնուամենայնիվ թողնենք գնագոյացման, ինքնարժեքի պահերն ու մի պարզագույն առօրյա օրինակ բերեմ:
Էդ նույն երիտասարդը, ով բողոքում է գրքի թանկությունից, գրեթե վստահ եմ, շաբաթը մեկ առնվազն գնում է ինչ-որ իմբեցիլ կաֆե ու կարևոր դեմքով ասենք, կալյան ծխում: Իրա համար 5 րոպե կալյան քաշելն ավելի մեծ արժեք ունի, քան մասնագիտական վերելքը: Ու էդ մարդը հետո բողոքում ա փող չունենալուց:
Ստացվում ա մեզ մոտ փողի խնդիր չի: Մեզ մոտ վճարունակ պահանջմունքի խնդիր կա: Չկա ցանկություն իմանալ ավելին, լինել ավելին, չկա ցանկություն ունենալ ավելին:
Ու հիմա զարմանում ենք, թե ինչպես է, որ ոչ մի ոլորտում (բացառությամբ թերևս IT ոլորտը) մենք համաշխարհային շուկայի համար մրցունակ մասնագետներ չունենք:
Էնպես որ պետք չի բողոքել մեր տնտեսական վիճակից: 30 տարի հիմնահատակ քանդել ենք սովետական կրթական համակարգը, 30 տարի զբաղված էինք «կալյան ծխելով» ու 6000 դրամանոց գիրքը թանկ համարելով:
Ուստի ուրիշ արդյունք սպասելը մեր պարագայում ուղղակի միամտություն կլիներ»: