1 շաբաթում կորոնավիրուսի դեպքերի թիվն աշխարհում աճել է 2%-ով

1133

Չորեքշաբթի, 10 մարտի, 2021 թ., 10:30

Առողջապահության համաշխարհային կազմակերպությունը հայտարարել է 1 շաբաթվա ընթացքում կորոնավիրուսի դեպքերի թվի աճի մասին: Այս մասին հայտնում է ТАСС-ը։
Տրամադրված տվյալների համաձայն՝ ցուցանիշի աճը կազմել է 2%՝ վարակման 2.7 միլիոն դեպք։ Սա գերազանցում է նախորդ շաբաթվա ցուցանիշը:
Ընդ որում՝ կորոնավիրուսով հիվանդների մահացության դեպքերի թիվը նվազել է 6%-ով։
«Գլոբալ մասշտաբով՝ երկրների մոտավորապես կեսում նոր դեպքերի թիվը նվազել է, մինչդեռ մյուս կեսում աճ է գրանցվել»,- ընդգծել են ԱՀԿ-ում:
Հիվանդացության աճն ամենից շատ նկատվել է Աֆրիկայում, Արևելյան Միջերկրածովյան տարածաշրջանում, որտեղ նույնպես մահացության աճ է գրանցվել, և Եվրոպայում։
Համաճարակի սկզբից, ընդհանուր առմամբ, աշխարհում գրանցվել է ավելի քան 118 միլիոն դեպք, ավելի քան 93,7 միլիոն մարդ ապաքինվել է, իսկ ավելի քան 2,6 միլիոնը՝ մահացել: