ԱԱԾ-ում քրեական գործ կհարուցվի ոչ թե Աննա Վարդապետյանի և քննիչի կատարած հանցագործության, այլ համակարգիչը «կոտրելու» փաստով

Հայաստանի Հանրապետության գլխավոր դատախազությունը Նիկոլ Փաշինյանի օգնական Աննա Վարդապետյանի գործողությունների՝ 168.am-ի հրապարակման մեջ տեղ գտած փաստերի առնչությամբ անմիջապես պետք է քրեական գործ հարուցեր առնվազն ՀՀ քրեական օրենսգրքի 308-րդ հոդվածի հատկանիշներով, սակայն դատախազությունից, իրենց վրայից «գցելով»՝ գործն ուղարկել են ԱԱԾ։

168.am-ի տեղեկություններով, սակայն, քրեական գործը հարուցվելու է ոչ թե Աննա Վարդապետյանի ու քննիչի կողմից պաշտոնական դիրքը չարաշահելու փաստով, ինչը սովորական կլիներ նորմալ, օրինական երկրի պարագայում, այլ Քրեական օրենսգրքի 251 հոդվածով՝ համակարգչային տեղեկատվության համակարգ առանց թույլտվության մուտք գործելը։ Այսինքն՝ սա նշանակում է, որ ոչ թե Փաշինյանի օգնական Աննա Վարդապետյանի ու քննիչի դեմ է պրոցես հարուցվելու նրանց կատարած լրջագույն հանցանքի համար, երբ Աննա Վարդապետյանը կոնկրետ ցուցումներ էր տալիս, թե ինչ մեղադրանք առաջադրեն Ռաֆիկ Հայրապետյանին, այլ այն մարդու նկատմամբ, ով կոտրել է համակարգչի գաղտնաբառը ու դուրս է բերել այդ տեղեկատվությունը։

Սա է փաշինյանական արդարադատության պատկերը։