«Երեխաները լսել են, որ երկրի առաջնորդն է իրենց գյուղում, վազել են, դիմավորել նրան». Ռոմանոս Պետրոսյան

«Ես բացառում եմ, որ որևէ երեխայի դպրոցներից կհավաքեն և կբերեն հանրահավաքի: Այն էլ մամուլի այսպիսի ազատության պարագայում դուք ինչպե՞ս եք պատկերացնում, որևէ գործիչ իրեն նման բան կարո՞ղ է թույլ տալ: Երեխաները լսել են, որ երկրի առաջնորդն է իրենց գյուղում, վազել են, երկրի առջնորդին դիմավորել են»,- այսօր ԱԺ-ում՝ Կառավարության հետ հարցուպատասխանից առաջ, լրագրողների հետ զրույցում, ասել է Շրջակա միջավայրի նախարար Ռոմանոս Պետրոսյանը՝ անդրադառնալով օրերս վարչապետի՝ Արագածոտնի մարզ կատարած այցին:

Հիշեցնենք, որ Արագածոտնում անցկացրած հավաքին ներկա էին նաև անչափահաս երեխաներ:

Նշենք, որ ԿԳՄՍ նախարար Վահրամ Դումանյանը նույնպես անդրադարձել էր թեմային՝ ընդգծելով, որ երեխաների մասնակցությունը հավաքին, ինքնաբուխ է եղել: