«Հուլիսյան մարտերի ժամանակ ԱԱԾ-ն ինձ ասաց, որ Օնիկ Գասպարյանն ինչ-որ դրվագ ինձ սխալ է զեկուցել, ասացի՝ բացառված է»․ Փաշինյան

Աչաջուրում՝ նախընտրական քարոզարշավի ժամանակ, ՔՊ-ի թեկնածու Նիկոլ Փաշինյանը, շարունակելով իր և ԶՈՒ ԳՇ նախկին պետ Օնիկ Գասպարյանի հարաբերությունների մասին պատմությունը, ասաց․ «Հուլիսյան մարտերի ժամանակ նույնիսկ ԱԱԾ-ն ինձ ասաց, որ Օնիկ Գասպարյանն ինչ-որ դրվագ ինձ սխալ է զեկուցել, ասեցի՝ բացառված ա, չեմ հավատում։ Խոսեցինք, Օնւկ Գասպարյանն ասեց՝ բացառված ա, ես քեզ սխալ բան չեմ զեկուցի, ասեցի՝ ես քեզ եմ հավատում։ Այդպես է եղել մինչև պատերազմի ավարտից հետո։

Պատերազմի ընթացքում էլի եղել են դրվագներ, երբ որ Արցախից մեր գործընկերներն եկել են, ասել են՝ գիտե՞ս ինչ, էս դրվագը սենց ա։ Զանգել եմ, ասել եմ՝ Օնի՛կ ջան, սենց բան են ասում, ի՞նչ ես ասում, և եկել ենք էն եզրահանգման, որ պատերազմի հետ կապված դրվագներով պիտի լսեմ միայն իր ասածը, որովհետև ինքն է ԶՈՒ անմիջական ղեկավարը»։