Չորեքշաբթի, 22 ապրիլի, 2026 թ.
|
Ստեփանակերտում`   +15 °C

«Նախագիծը նպատակ է հետապնդում լիցենզավորման դաշտ բերել նախադպրոցական ծառայությունները». Ժաննա Անդրեասյան

«Նախագիծը նպատակ է հետապնդում լիցենզավորման դաշտ բերել նախադպրոցական ծառայությունները». Ժաննա Անդրեասյան
301
Չորեքշաբթի, 30 հունիսի, 2021 թ., 14:30

«Լիցենզավորման մասին» Հայաստանի Հանրապետության օրենքում լրացում կատարելու մասին և կից ներկայացված օրենքների նախագծերի փաթեթն ԱԺ նիստում երկրորդ ընթերցմամբ քննարկմանը ներկայացրեց ԿԳՄՍ նախարարի տեղակալ Ժաննա Անդրեասյանը:

«Նախագիծը նպատակ է հետապնդում կարգավորել նախադպրոցական կրթության ոլորտում վերահսկողության մեխանիզմներ: Նախադպրոցական կրթական ծրագրերից բացի, նաև լիցենզավորման դաշտ բերել նախադպրոցական ծառայությունները, որը թույլ կտա լիցենզավորման քաղաքականություն կիրառել նաև, այսպես կոչված, զարգացման կենտրոնների և տարաբնույթ ծառայությունների նկատմամբ»,-ասաց Անդրեասյանը:

Նա նշեց, որ օրենքն ուժի մեջ է մտնելու պաշտոնական հրապարակումից 6 ամիս հետո: Այն կենտրոնները, որոնք նոր պետք է սկսեն իրենց գործունեությունը, դրանց լիցենզավորման պահանջն օրենքում սահմանված է մինչև 2022 թվականի դեկտեմբերը: Իսկ լիցենզիաների վերաձևակերպման դեպքում պետական տուրքի գանձման հարց չի առաջանալու:

Կարդացե՛ք նաև