Երևանի կենտրոնում դարձյալ կրակոցներ են հնչել

Այսօր երեկոյան Երևանի կենտրոնում դարձյալ կրակոցներ են հնչել: Այս անգամ դրանք հնչել են Ամիրյան փողոցի՝ դեպի Սարյան հատվածում, ԱԱԾ Երևանի վարչության դիմաց: Այս մասին գրում է «Հրապարակ»-ը։

«Կրակել են 01 LN 015 պետհամարանիշով սև Mazda 6 մակնիշի ավտոմեքենայի միջից: Մեքենան, նախնական տեղեկությամբ, ոստիկանության պաշտոնյայի է պատկանում: Ասացին՝ կրակել են ինչ-որ քաղաքացու ոտքին:

Այս պահին դեպքի վայրում աշխատում են քրեագետները, որոնք ժապավենով փակել են տարածքը: Քիչ հեռու կայանած է նաև նշված Mazda 6-ը: Մեզ հայտնեցին նաև, որ քիչ առաջ մի տղամարդու տարան ոստիկանները, որոնք քաղաքացուն ասել են, թե թող չանհանգստանա՝ իր անվտանգությունը կապահովեն: Հավանաբար տղամարդը ականատես է եղել»,- գրում է լրատվականը: