Տոկիո–2020-ում կորոնավիրուսով վարակման 16 նոր դեպք է հայտնաբերվել

1219

Երկուշաբթի, 26 հուլիսի, 2021 թ., 11:42

Վերջին օրվա ընթացքում կորոնավիրուսի դրական արդյունքով թեստ է հանձնել առնվազն 16 մարդ, որոնք մասնակցում են Տոկիոյում ամառային Օլիմպիական խաղերին: Այս մասին ասված է Խաղերի կազմկոմիտեի կայքում հրապարակված զեկույցում։

Վարակված մարզիկներից 3-ն Օլիմպիական ավանի տարածքում չեն բնակվում։

Այսպիսով, մրցումների ժամանակ COVID-19-ի վարակման դեպքերի ընդհանուր թիվը հասել է 153-ի:

Համաճարակաբանական իրավիճակի վատթարացման պատճառով հուլիսի 12-ից Տոկիոյում կրկին ուժի մեջ է մտել արտակարգ դրության ռեժիմը, որը կշարունակվի մինչև օգոստոսի 22-ը: