«Այս մարդը բանակի հետ ի՞նչ կապ ունի, երևի հաշվապահություն է անելու նախարարությունում»․ Ո․ Սարգսյան

Լրագրող Ոսկան Սարգսյանի գրառումը․ «Բանակում չծառայած, ֆինանսիստ Կարեն Բրուտյանին վարչապետ Նիկոլ Փաշինյանն ազատել է ֆինանսների նախարարի առաջին տեղակալի ժամանակավոր պաշտոնակատարի պաշտոնից և նշանակել պաշտպանության նախարարի տեղակալ։ Այս մարդը բանակի հետ ի՞նչ կապ ունի, երևի հաշվապահություն է անելու նախարարությունում։ 2016թ․ ապրիլյան պատերազմում թերացումների համար պաշտոնից ազատված Արշակ Կարապետյանը նշանակվեց պաշտպանության նախարար, ժամկետային զինծառություն չանցած տնտեսագետն էլ կարող է լինել նրա տեղակալը։ Հարկ է մի զուռնաչու էլ պաշտպանության նախարարի տեղակալ նշանակել, նա թող ամեն օր Բագրևանդի 5 հասցեում զուռնա փչի, պաշտպանության նախարարության աշխատակիցների մարտական դուխը բարձրացնի»։