«Այս տարի Սևանա լճի մասսայական ծաղկում չի գրանցվել». Սասուն Միրոյան

«Ջրային կոմիտե»-ի աշխատակից Սասուն Միրոյանը ֆեյսբուքյան իր էջում գրել է. «Այսօր Սևանա լճի օրն է
Յուրաքանչյուր տարի օգոստոս ամսվա վերջին կիրակի օրը Հայաստանում նշվում է Սևանա լճի օրը:
Սևանա լիճը Հայաստանի Հանրապետության քաղցրահամ ջրերի ռազմավարական շտեմարանն է և նրա էկոհամակարգի վերականգնմանն ու պահպանմանն ուղղված աշխատանքներն ունեն ոչ միայն հանրապետական այլն նաև տարածաշրջանային բացառիկ նշանակություն։
Ուստի բոլորիս վերաբերմունքն ու հոգատարությունը լճի նկատմամբ պետք է փոխվի: Չէ՞ որ Սևանա լճի պահպանությունը յուրաքանչյուր հայի արժանապատվության հարցն է:
Պետք է նշել, որ վերջին տարիների համեմատ՝ այս տարի Սևանա լճի մասսայական ծաղկում չի գրանցվել, ուստի կարելի է ասել, որ այս տարի ունեցել ենք «էկոլոգիական հաղթանակ»»: