«Գիտելիքն ի նպաստ պետականաշինությանը, հայրենիքի հզորությանը ծառայեցնելու, աշխարհին պատշաճ ներկայանալու ժամանակն է». Վահրամ Դումանյան
![]() 302 Չորեքշաբթի, 01 սեպտեմբերի, 2021 թ., 10:30 ՀՀ ԿԳՄՍ նախարար Վահրամ Դումանյանի շնորհավորական ուղերձը՝ Գիտելիքի և դպրության օրվա առթիվ. «Սիրելի՛ աշակերտներ, ուսանողներ, ուսուցիչներ և դասախոսներ, կրթության ոլորտի պատասխանատուներ, Շնորհավորում եմ նոր ուսումնական տարվա մեկնարկի և Գիտելիքի ու դպրության օրվա կապակցությամբ: Դարեր շարունակ գիրն ու դպրությունը մեր գոյության հիմքերից են եղել, իսկ այսօր գիտելիքն ի նպաստ պետականաշինությանը, հայրենիքի հզորությանը ծառայեցնելու, աշխարհին պատշաճ ներկայանալու ժամանակն է: Մենք զարգացման և բարգավաճման մեկ ճանապարհ ունենք՝ կրթությունը, կրթությամբ՝ հայրենասիրությունն ու աշխարհաճանաչությունը: Այժմ մենք կրթական ոլորտի բարեփոխումների փուլում ենք: Բարեփոխումներ, որոնք միտված են յուրաքանչյուր սովորողից հայրենասեր անհատի, օրինապահ քաղաքացու, արհեստավարժ մասնագետի կերտմանը. վստահ եմ՝ միասին կհաջողենք: Սիրելի՛ աշակերտներ և ուսանողներ, վերջին մեկ տարին սթափեցման, արժեքների վերանայման, մեր արածն ու անելիքը նորովի վերլուծելու դժվարին ճանապարհ էր: Սիրե՛ք կրթությունը, տասնապատկե՛ք ձեր կարողությունները, ձգտե՛ք ձեր ընտրած ոլորտում անել առավելագույնը: Թո՛ղ նոր ուսումնական տարին ձեզ տոգորի նոր հույսերով, ուսումնատենչ ոգով ու աննկուն ջանասիրությամբ, որպեսզի գիտելիքն ու իմացությունը, հոգևոր և բարոյական արժեքները շարունակաբար առանցքային և հիմնարար լինեն մեր ժողովրդի կյանքում: Հարգարժա՛ն մանկավարժներ, շնորհակալ եմ յուրաքանչյուրիդ դժվարին օրերը միասին հաղթահարելու, առկա մարտահրավերների առաջ չընկրկելու և բազմապատիկ նվիրումով աշխատելու համար: Պետությունը ձեր կարիքը շատ ունի. դուք եք մատաղ սերնդին, երիտասարդներին սիրելի դարձնում կրթությունն ու մշակույթը, արվեստն ու գիտությունը, արհեստն ու սպորտը: Այժմ՝ առավել քան երբևէ, մեկտեղե՛ք ձեր ջանքերը. յուրաքանչյուր ներդրում կարևոր է պետության զարգացման համար: Բարձր պատասխանատվությամբ իրականացնենք մեր առաքելությունը և կերտենք մեր երազած հայրենիքը: Թո՛ղ նոր մեկնարկող ուսումնական տարին լինի լույսի և բարության ճանապարհ…»: |
«76 դպրոցներից 15-ում տնօրենի ԺՊ-ներն են ղեկավարում»․ Ոսկան Սարգսյան
26116.08.2025, 16:12«Երևանում հազարավոր երեխաներ չեն կարողանում այցելել մանկապարտեզ»․ Գևորգ Ստեփանյան
31414.08.2025, 12:12«Նոր չափորոշիչներով որոշ դասագրքեր դեռևս բացակայում են»․ Արաքսիա Սվաջյան (տեսանյութ)
42013.08.2025, 12:06«Դարակազմիկ մտքերով հիմնավորել են պատերազմի անհրաժեշտությունը»․ Հայկ Դեմոյան
37306.08.2025, 17:06«Դասագրքի համահեղինակ յոթ պատմաբաններին տալիս եմ 72 ժամ». Հայկ Դեմոյան (լուսանկար)
46705.08.2025, 22:00«Հերթական խայտառակ ու խոտան դասագիրքն է հրամցվում մեր երեխաներին». Հայկ Դեմոյան
42405.08.2025, 10:36«Լուրեր են տարածվում, որ մտադիր են վաճառել Պուշկինի անվան դպրոցի շենքը»․ Կարեն Հեքիմյան
62303.08.2025, 14:54«Այս տարի բուհ է ընդունվել 9788 դիմորդ, թափուր է մնացել 1174 տեղ»․ Կարո Նասիբյան (տեսանյութ)
67701.08.2025, 13:54