Շաբաթ, 25 սեպտեմբերի, 2021 թ.
|
Ստեփանակերտում`   +19 °C

«Կառավարությունը պարտավոր է նվազագույնի հասցնել Երևանում բնակարանային շինարարությունը»․ Լևոն Շիրինյան

«Կառավարությունը պարտավոր է նվազագույնի հասցնել Երևանում բնակարանային շինարարությունը»․ Լևոն Շիրինյան
136
Կիրակի, 12 սեպտեմբերի, 2021 թ., 19:06

Քրիստոնեա-ժողովրդավարական կուսակցության նախագահ, քաղաքագետ Լևոն Շիրինյանի գրառումը. «Հայկական կողմը պարտավոր է թքել բոլոր օտարաբանությունների վրա՝ առաջին հերթին ու գլխավորապես հենվելով ներքին ռեսուրսների վրա ու Սփյուռքի օժանդակությամբ կառավարությունից պետք է պահանջի Սյունիքի մարզը, Մեղրի ենթաշրջանի ընդգծվածությամբ, հայտարարել տնտեսական ու մշակութային Հատուկ զարգացման գոտի:
Կառավարությունը պարտավոր է նվազագույնի հասցնել Երևանում, մասնավորապես, բնակարանային շինարարությունը, ռեսուրսները տեղափոխելով Հատուկ գոտի:
Կառավարությունը պարտավոր է հաշվառել տեղում գոյություն ունեցող դատարկ բնակարանային ֆոնդը, այն բարեկարգել ու սկսել մարզի վերաբնակեցման ռազմավարական նշամակության գործընթացը:
Իսկ ազգաբնակչությունը պետք է դադարեցնի ողբը ու հուսալքության նիրհը, թևերը քշտի ու անցնի գործի՝ մնալով գործող իշխանություններից պահանջատեր:
Հիշե՛ք՝ ժամանակը ձեզ չի սպասում:
Իսկ խեղդվողի փրկության գործը խեղդվողինն հոգսն է բացառապես»:

Աղբյուրը`   Լևոն Շիրինյան