Ուկրաինան կշարունակի «Բայրաքթար»-ներ գնել Թուրքիայից

Ուկրաինայի զինված ուժերի գլխավոր շտաբի պետ Վալերի Զալուժնին Report լրատվական գործակալության հետ զրույցում ասել է, որ Թուրքիան 2021-2022թթ. պատրաստվում է Ուկրաինային վաճառել 4 միավոր թուրքական հարվածային «Բայրաքթար» TB2 անօդաչու թռչող սարքեր (ԱԹՍ)։ Հայտնում է «Էրմենիհաբեր»-ը:

Ուկրաինացի պաշտոնյան նշել է, որ Կիևը հույս ունի, որ հետագայում թուրքական ԱԹՍ-ները կարտադրվեն Ուկրաինայում։

Երեկ Ուկրաինայի պաշտպանության նախարարը հանդիպել է «Բայրաքթար» TB2 արտադրող «Baykar Makina» ռազմարդյունաբերական ընկերության գլխավոր տնօրեն Հալուք Բայրաքթարի հետ։ Քննարկվել է Ուկրաինայում թուրքական ԱԹՍ-ների արտադրման հարցը։