«Իծաքար գյուղի հիմական դպրոցի 9 դասարաններում սովորում է 25 աշակերտ». Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը. «Տավուշի մարզի Իծաքար գյուղը ՀՀ պետական սահմանից 14 կմ հեռավորության վրա է: Իծաքար գյուղի հիմական դպրոցը հիմնադրվել է 2005-ին: Դպրոցի տնօրենը՝ Վարդան Դանիելյանը, տեղեկացրեց, որ այսօր դպրոցի 9 դասարաններում սովորում է 25 աշակերտ: Դպրոցն ունի ութ ուսուցիչ: Աշակերտները սովորում են հիմնականում կոմպելկտավորված դասարաններում՝ 1-4-րդ դասարանցիները՝ միասին, 6-7-րդ դասարանցիները՝ միասին, ամենամեծը 5-րդ դասարանն է՝ 5 աշակերտով: Դպրոցի միակ առաջինդասարանցին վեցամյա Տիգրանն է:

Դպրոցի հիմնական խնդիրներից են դպրոցական դասագրքերի պակասը, մարզադահլիճի և լաբորատորիայի բացակայությունը: Ըստ տնօրենի՝ Տավուշի մարզի գյուղերի դպրոցները հիմնական դասագրքերի հարցում միմյանց փորձում են օգնել՝ դասագրքեր միմյանց տալով կամ փոխանակելով, սակայն բոլոր աշակերտները չէ, որ դասագրքերով ապահովված են: (Հուսով եմ, որ ԿԳՍՄ նախարարությունը Իծաքար գյուղի դասագրքերի հարցը արագ կկարգավորի): Դպրոցն ունի ռոբոտաշինության խմբակ՝ համապատասխան կահավորված դասարանով, ինչպես նաև համակարգչային դասարան: 1-4-րդ դասարաննների 13 աշակերտներն անվճար սնունդ են են ստանում ՀՕՖ-ի ծրագրով: Դպրոցն ունի նաև նախակրթարան:

Հանրակրթության տարաբնույթ խնդիրներով ծանրաբեռն Հայաստանի կրթական համակարգը պետք է զատորոշի գերակայությունները՝ սահմանամերձ գյուղական դպրոցների պահպանումն ու զարգացումը դարձնելով նպատակային ուղղություն»: