«Վաղնջական խաչքարը Պատմության թանգարանի կողմից տրվել է Նյու Յորքի Մետրոպոլիտան թանգարանին»․ քաղաքագետ

Քաղաքագետ Էդգար Էլբակյանի գրառումը․ ««Մենք շատ ունենք, որ ուրիշին ես տալիս». «Ոսկե ցլիկը»։
«Օ՜, մեր յաւակնութիւնը, որ ամբողջ աշխարհի իսկ դասեր տալու հովեր ունի». Շահան Նաթալի
Լոռվա այս վաղնջական խաչքարը (12-13-րդ դդ.) Հայաստանի պատմության թանգարանի կողմից տրվել է Նյու Յորքի Մետրոպոլիտան թանգարանին։ Ի՜նչ արած, հայերս սիրում ենք, որ «աշխարհը» մեզ ճանաչի, ի՜նչ փույթ, որ հարևանները հուշիկ տեմպերով ոչնչացնում են մեզ, հայերս սիրում ենք մեզ «զարգացած աշխարհում» զգալ՝ վերջինիս պատարագելով մեր հարստությունները, ի՜նչ փույթ, որ «չզարգացած աշխարհը» տիրանում է մնացյալ հարստություններին…»։