«Զենք չի՞ եղել»․ Պետրոս Ղազարյանը՝ Սամվել Բաբայանին

«Մենք բոլորս գիտենք, որ մարդկային ռեսուրսի կարիք ունեինք առաջին գծում, բայց մարդկանց չէին կանչում, չէին հրավիրում վայենկոմադ․ չենք ուզո՞ւմ ճշտել՝ ի՞նչն էր դրա պատճառը․ ես գիտեմ պատճառը»,- Հ1-ի եթերում՝ խոսելով 44-օրյա պատերազմի ձախողումներից ու պարտության պատճառներից, ասաց Արցախի Անվտանագության խորհրդի նախկին քարտուղար Սամվել Բաբայանը։

«Ես համարում եմ, որ անկազմակերպ են եղել, որպեսզի ավելի հստակ լինի՝ զենք ունեցե՞լ են, որ էդ մարդկանց հրավիրեն՝ զենք տան ձեռները, ասեն՝ կռվի»,- շարունակեց Բաբայանը, ինչին հարցազրուցավար Պետրոս Ղազարյանն արձագանքեց՝ զենք չի՞ եղել։ Ի պատասխան՝ վերջինը խորհուրդ տվեց՝ «չվռազել»․ «Եկեք չվռազենք, այլ՝ ստուգենք, պարզվի՝ ո՞վ է մեղավոր էդ դեպքում, եթե քաղաքական ղեկավարությանը չենք զեկուցել ինչ վիճակ է։ Պայմանական մենք գրել ենք, ասենք՝ 150 հազար մարդ պետք է զենքի տակ լինի, բայց 100-ից ավել չենք կարում զինենք․ կա՛մ չկար էդ զենքը, կա՛մ ինչ-որ պատճառներով թուրքին եք հանձնել, ինչ եք արել, չգիտեմ․․․»,- ասաց բանախոսը։