«Էդքան դուխ ունեի՞ր, ադրբեջանական Նովրուզին պորտապար պարող տիկի՛ն, որ ասեիր՝ Երևանում նիստը կկայանա մեկ պայմանով»․ Զոհրաբյան

Երևանում ընթացող «Եվրանեսթ»-ի ԽՎ-ի ժամանակ ադրբեջանցի պատվիրակը նշել էր, որ այս պահին Բաքվի բանտում հայ ռազմագերիներ չկան, նրա խոսքով՝ այնտեղ միայն օրինախախտներ են։

Նա նաև անդրադարձել էր Ադրբեջանի կողմից օկուպացված տարածքների մշակութային ժառանգությանը։

«Այսօր Հայաստանի իշխանությունները, ադրբեջանական Նովրուզին պորտապար պարող և օդային պաչիկներ ուղարկող «Եվրանեսթ»-ի հայկական պատվիրակության իմքայլական ղեկավարը էդքան իրանց սիրած դուխը կունենա՞ն ադրբեջանցի պատգամավորներին, որոնք հաստատ ինչ-որ մեկի եղբայրն են, ով Բայրաքթարով սպանել է մեր եղբայրներին, ասել․․․»,- հիշելով տարիներ առաջ Բաքվում կայացած «Եվրանեսթ»-ի ԽՎ-ում տեղի ունեցած միջադեպը, ասաց ԱԺ նախկին պատգամավոր Նաիրա Զոհրաբյանը։

«Էդքան դուխ ունեի՞ր, որ ասեիր՝ Երևանում «Եվրանեսթ»-ի նիստը կկայանա միայն մեկ պայմանով, երբ որ մեր ռազմագերիներն առանց նախապայմանի վերադառնան տուն»,- նշեց նա։