Ռուսական պատվիրակությունը Գոմելում կայանալիք հանդիպման վերաբերյալ Կիևի որոշմանը կսպասի մինչև ժամը 15:00-ը

965

Կիրակի, 27 փետրվարի, 2022 թ., 13:42

Ռուսաստանի ներկայացուցիչները Գոմելում հանդիպման վերաբերյալ Ուկրաինայի պատասխանին կսպասեն մինչև ժամը 15:00-ն, ասել է պատվիրակության ղեկավար, նախագահի օգնական Վլադիմիր Մեդինսկին։

Այսօր ավելի վաղ հայտնի դարձավ ռուսական կողմի բանակցողների՝ Բելառուս ժամանելու մասին։ Իր հերթին, Ուկրաինայի նախագահ Վլադիմիր Զելենսկին մերժել է Կիևի ներկայացուցիչների մասնակցության հնարավորությունը Բելաուսում կայանալիք հանդիպմանը։ Միաժամանակ, ինչպես նշել են Կրեմլում, հենց ուկրաինական կողմն է ընտրել Գոմելը որպես բանակցությունների հարթակ։