Պատերազմն Ուկրաինայում արդեն 38 երեխայի կյանք է խլել

Ռուսաստանի Դաշնության՝ Ուկրաինա ներխուժման սկզբից ի վեր արդեն 38 երեխա է մահացել։ Այս մասին հայտարարել է Գերագույն ռադայի մարդու իրավունքների հանձնակատար Լյուդմիլա Դենիսովան։
«2022 թվականի մարտի 6-ի ժամը 12-ի դրությամբ՝ Ուկրաինա Ռուսաստանի Դաշնության ներխուժման սկզբից ի վեր մահացել է 38 երեխա, վիրավորվել՝ 71 երեխա»,- գրել է Դենիսովան։
Նա հավելել է, որ այս տվյալները վերջնական չեն, քանի որ դեռևս հնարավոր չէ ճշգրիտ տեղեկատվություն իմանալ Դոնեցկի մարզի Մարիուպոլ և Կիևի շրջանի Իրպեն քաղաքի սպանվածների և վիրավորների թվի մասին։
Միայն վերջին 24 ժամում Մարիուպոլում ռուս զավթիչների գնդակոծության արդյունքում մեկուկես տարեկան տղա է զոհվել։
Կիևի մարզի Բուչա քաղաքում երկու ծանր վիրավոր երեխաներ մահացել են բժշկական օգնություն չստանալու պատճառով։
Կիևի շրջանի Իրպին քաղաքի ծայրամասում ռուսական զորքերը կրակ են բացել խաղաղ բնակիչների վրա, երբ նրանք փորձում էին տարհանել քաղաքը։ Առնվազն երեք մարդ զոհվել է, այդ թվում՝ երկու երեխա, ևս մեկը ծանր վիճակում է վնասվածքների պատճառով։
40 օր առաջ Խարկով քաղաքում ծնված տղան մահացել է թոքաբորբից։ Նա հիվանդացել է Խարկովի ռումբերի ապաստարանում գտնվելու ժամանակ։
Բիլլա Ցերկվա քաղաքի վրա հակառակորդի օդային հարձակման արդյունքում հրթիռային հարվածներից վնասվել է 15 առանձնատուն, որտեղ կային ծերեր ու երեխաներ։ Զոհերի թիվը դեռ հայտնի չէ։
Գոստոմել-Բուչա-Իրպեն ուղղությամբ մինչև 70 երեխա գտնվում է ապաստարաններում, կան վիրավորներ։ Ագրեսոր զորքերը բժիշկներին և կամավորներին թույլ չեն տալիս օգնության հասնել երեխաներին։
«Ռուսաստանի Դաշնության զինված ուժերը շարունակում են կոպտորեն ոտնահարել երեխաների հիմնարար իրավունքները՝ կյանքի և առողջության իրավունքը: Կոչ եմ անում միջազգային իրավապաշտպան կազմակերպություններին ձեռնարկել բոլոր հնարավոր միջոցները՝ ուժեղացնելու ճնշումը Ռուսաստանի Դաշնության վրա՝ դադարեցնելու ռազմական ագրեսիան Ուկրաինայի դեմ», - ասել է օմբուդսմենը։

Ուկրաինայի զինված ուժերը կրկին հարվածել են Ղրիմի կամրջին
9909:06
Խոշոր վթար Լոռիում. մեքենան մասամբ հայտնվել է գետի ափին
158Երեկ, 20:06
Ռուսաստանը հարվածել է Ուկրաինայի երեք խոշոր քաղաքների քաղաքացիական ենթակառուցվածքներին
268Երեկ, 20:00
Ավստրալիայում այցելուներին մոռացել են դիտանիվի խցիկում՝ 36 մետր բարձրության վրա (տեսանյութ)
369Երեկ, 18:24
Ուկրաինայի զինված ուժերը հարձակվել են Ղրիմի կամրջի վրա (լուսանկար)
273Երեկ, 17:42
Մոսկվայում աղջիկն ընկել է բարձրահարկ շենքի պատուհանից (տեսանյութ)
248Երեկ, 15:13
Ուկրաինայի զինված ուժերը հարվածել են Ղրիմի կամրջին
257Երեկ, 11:19
Սևանի տներից մեկում հայտնաբերվել է ծխահարված տղամարդու մարմին
148Երեկ, 10:54