Մարդասիրական աղետ՝ Չեռնիգովում

Չեռնիգովում մարդասիրական աղետ է սկսվել. քաղաքում չկա էլեկտրականություն, ջուր, սնունդ և դեղորայք։ Այս մասին ճեպազրույցի ժամանակ հայտարարել է Չեռնիգովի քաղաքապետ Վլադիսլավ Ատրոշենկոն։

Նա ասել է, որ քաղաքը շրջափակված է՝ առանց հումանիտար միջանցքներ կազմակերպելու և վիրավորներին տանելու հնարավորության։ Ատրոշենկոն նշել է, որ կամավորները փորձում են ինչ-որ կերպ օգնել քաղաքի բնակիչներին:

«Մարդիկ փողոցում զուգարաններ են փորում, կրակի վրա մի կերպ կերակուր են պատրաստում, բժիշկները աշխատում են գեներատորների լուսավորության տակ, որոնք բենզին լցնելու հնարավորություն այլևս չկա: Թե ինչ կարգի է ավերվել քաղաքը, խոսքերն ավելորդ են»,- նշել է քաաղաքապետը: