«Որևէ կերպ ուղիղ տեքստով չեն ասում, որ Արցախը երբեք չի լինելու Ադրբեջանի կազմում»․ Վանեցյան

«Իշխանական թիմը և անձամբ Նիկոլ Փաշինյանը մեր համազգային շարժումը սկսելուց հետո սկսել են վերախմբագրել իրենց ասածները, փորձում են ասել, որ ճիշտ չի հասկացվել, ժողովրդի թիկունքում բան չեն ստորագրելու»,- այսօր Ազատության հրապարակից ջարհերով երթին միանալիս ասաց «Հայրենիք» կուսակցության և «Պատիվ ունեմ» խմբակցության ղեկավար Արթուր Վանեցյանը։

«Վերջին հայտարարությունը, երբ Նիկոլ Փաշինյանն ասում է, որ կեղծ պնդումներ են, որևէ բան չեն ստորագրելու, նկատի չունեն, որ Արցախը հանձնելու են, որևէ կերպ ուղիղ տեքստով չեն ասում, որ Արցախը երբեք չի լինելու Ադրբեջանի կազմում, չեն ասում, որ երբեք Հայաստանաի տարածքից որևէ գյուղ չեն զիջելու թշնամուն»,- նշեց նա։