Լեհաստանում հարձակվել են ՌԴ դեսպանի վրա

Լեհաստանում Ռուսաստանի դեսպան Սերգեյ Անդրեևը հարձակման է ենթարկվել, երբ փորձել է ծաղիկներ դնել Վարշավայում գտնվող խորհրդային զինվորների հուշահամալիրի մոտ, հայտնում է ТАСС-ը: Նշվում է, որ դեսպանի, նրա կնոջ և մի խումբ դիվանագետների վրա կարմիր ներկ են լցրել: Մի քանի րոպե անց դեպքի վայր ժամանած ոստիկաններն օգնել են դիվանագետներին՝ մոտենալ մեքենային:

Ըստ լրատվամիջոցի՝ ագրեսիվ տրամադրված խումբն ավելի վաղ հուշահամալիրի մոտ ակցիա է իրականացրել՝ Ուկրաինայի դրոշներով և հակառուսական կարգախոսներով: