Կիրակի, 13 հուլիսի, 2025 թ.
|
Ստեփանակերտում`   +29 °C

«Գնա՛ ու քո հետ տա՛ր քո իսկ բերած ատելությունը»․ Էդուարդ Շարմազանով

«Գնա՛ ու քո հետ տա՛ր քո իսկ բերած ատելությունը»․ Էդուարդ Շարմազանով
213
Երեքշաբթի, 21 հունիսի, 2022 թ., 10:36

ՀՀԿ խոսնակ Էդուարդ Շարմազանովի գրառումը․ ««Մենք չենք ներում իրար, որովհետև ստրուկին հատուկ հոգեբանությամբ ներում ենք արտաքին թշնամուն:
Ներում ենք արտաքին թշնամուն, քան մեկս մյուսին»։
Նախորդ դարում արտաբերած նժդեհյան այս խոսքերը, հիրավի, մարգարեական են դարձել:
Փաշինյանն ու իր կապիտուլյանտ ռեժիմը Բաքվի բռնակալին կիրթ ու կառուցողական են համարում, նրա հոխորտանքներին չեն պատասխանում, թուրքերից «դրական ազդակներ են ստանում», բայց Արցախն ազատագրած հերոսների նկատմամբ տարիներ շարունակ ատելություն են սերմանում, իսկ աթոռը պահելու համար՝ կալանավորում ու բերման ենթարկում խաղաղ ցուցարարներին:
Քանիցս, ճշմարիտ էր Նժդեհը՝ ասելով, թե «անեծք է առաջնորդի նախանձն ու եսականությունը»։
Հերիք է ատենք իրար։
Նիկոլ, գնա՛ ու քո հետ տա՛ր քո իսկ բերած ատելությունը, բամբասանքն ու չար խոսքը։
Գնա՛ անարյուն ու առանց ցնցումների։
Ու քո հետ պետք է գնան բոլոր ատելություն քարոզողները։
Եթե դրանց մեջ կլինեմ նաև ես, ուրեմն ես էլ պետք է հեռանամ։
Հայաստան աշխարհը ազգային համերաշխության կարիք ունի»։