Քամու հետևանքով Երևանում վնասվել են շինությունների տանիքներ և ծառեր

374

Հինգշաբթի, 23 հունիսի, 2022 թ., 20:54

Քամու հետևանքով Երևանի տարբեր վարչական շրջաններում վնասվել են շինությունների տանիքներ և ծառեր, հայտնում են ԱԻՆ մամուլի ծառայությունից: Ճգնաժամային կառավարման ազգային կենտրոն ահազանգերը ստացվել են հունիսի 23-ին, ժամը 19։44-ից սկսած։
Քամու հետևանքով վնասներ են արձանագրվել մասնավորապես Երևանի Աջափնյակ, Էրեբունի և Կենտրոն վարչական շրջաններում:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչությունների հրշեջ-փրկարարական ջոկատներից մարտական հաշվարկներ: