Ղրիմի Սակի շրջանում տարհանում են բնակիչներին. #TASS

583

Երեքշաբթի, 09 օգոստոսի, 2022 թ., 18:42

ՌԴ պաշտպանության նախարարությունը մեկնաբանել է Ղրիմում տեղի ունեցած պայթյունները։

«Ժամը 15.20-ի սահմաններում Նովոֆեդորովկա բնակավայրի մոտ գտնվող Սակի օդանավակայանի տարածքում մի քանի ավիացիոն զինամթերք է պայթել: Պայթյունի հետևանքով ոչ ոք չի տուժել։ Օդանավակայանի ավիացիոն տեխնիկան չի վնասվել. միջոցներ են ձեռնարկվում հրդեհը մարելու և պայթյունի պատճառները պարզելու ուղղությամբ։ Օդանավակայանի զինամթերքի պահեստային տարածքի վրա կրակի ազդեցություն չի եղել»,- ասվում է ՌԴ պաշտպանության նախարարության հաղորդագրության մեջ։

Միաժամանակ Ղրիմի Սակի շրջանի «իշխանությունները» օդանավակայանում տեղի ունեցած միջադեպից հետո հայտարարել են քաղաքացիների տարհանման մասին, փոխանցում է TASS-ը։