«Ումի՞ց է բողոքում Արցախի ՏԿԵ նախարարը». Վահրամ Աթանեսյան

Քաղաքական վերլուծաբան Վահրամ Աթանեսյանի գրառումը․ «Արցախի ՏԿԵ նախարար Խանումյանը ահազանգում է տեղեկատվա-քարոզչական տեռորի մասին, 1in.am-ը վերլուծություն է հրապարակում՝ Հակոբ Բադալյանի հեղինակությամբ, բարձրացնում հարցեր, որ հրատապ լուծման կարիք ունեն, բայց գրեթե միաժամանակ էլ հայկական մեդիա-տիրույթ է ներխուժում մի քաղաքական գործիչ և իր անունից բառ առ բառ տարածում թշնամական կողմի թելեգրամյան ալիքներից մեկում երեք օր առաջ օգոստոսի վերջին նախատեսված՝ Պուտին-Փաշինյան-Ալիև բանակցությունների բացառապես Բաքվի օրակարգը։ Ի՞նչ նպատակ է նա հետապնդում։ Ո՞վ պետք է զբաղվի այս հարցերով՝ Ստեփանակերտում և Երևանում։ Եթե իշխանությունները համակերպվում են տեղեկատվական տեռորին, ապա կարելի՞ է ենթադրել, որ ամեն ինչ արվում է նրանց հետ համաձայնեցված։ Այդ դեպքում ումի՞ց է բողոքում Արցախի ՏԿԵ նախարարը»։