«ՌԴ-ն ունի մեծ գործակալական ցանց ՀՀ-ում և խանգարում է»․ Ա․ Մարտիրոսյան

183

Ուրբաթ, 14 հոկտեմբերի, 2022 թ., 22:30

«Ադրբեջանը ունի գործընկերներ՝ ՌԴ և Թուրքիա։ Ես տեսնում եմ Հայաստանի լավ գործընկերների կարգավիճակում Ֆրանսիային և ԱՄՆ-ին՝ անվտանգային առումով։ Նախկին և ներկա իշխանությունները վերապահումով են դրան մոտենում»,- Ֆակտոր TV-իի հետ զրույցում՝ պատասխանելով հարցին՝ ինչո՞ւ ՀՀ-ի ներկա և նախկին իշխանությունները չէին տեսնում ԱՄՆ-ին որպես հիմնական դաշնակից, հատկապես, երբ ՌԴ-ն բազմաթիվ առիթներով է ցույց տվել ՀՀ-ի նկատմամբ անվտանգային պարտավորությունները չկատարելու իր գործելաոճը՝ Ադրբեջանին միլիարդավոր զենքի վաճառքից բացի, ասաց «Ժառանգություն» կուսակցության վարչության նախկին նախագահ Արմեն Մարտիրոսյանը։

Շարունակելով խոսքը՝ Ա․ Մարտիրոսյանն ասաց․ «Սերժ Սարգսյանը 2013-ին խաբեց՝ ԵՏՄ մտնելով և չեղարկելով ԵՄ-ի հետ Ասոցացման համաձայնագրի ստորագրումը։ Նիկոլ Փաշինյանը սակրավորներ ուղարկեց Սիրիա ռուսական հրամանատարության ներքո, ինչը վատ ընդունվեց ԱՄՆ-ի կողմից։ Ներկաներն ու նախկինները կապված են ՌԴ-ին՝ մշտապես աջակցություն են ստացել։ Իր հերթին, ՌԴ-ն ունի մեծ գործակալական ցանց ՀՀ-ում և խանգարում է»,- ասաց Մարտիրոսյանը։