«Հետևողականորեն չկիրառվող օրենքներն ունեն քայքայիչ լայն ազդեցություն». Հակոբ Բադալյան

Քաղաքական մեկնաբան Հակոբ Բադալյանը գրում է. «Հայաստանում երևի թե մի երեք տարի առաջ ընդունվեց օրենք, ըստ որի, կարծես թե 20 հազար տուգանք է նախատեսվում ձմռան ամիսներին ամառային անվադողով երթևեկողների համար: Օրենքը, բնականաբար, չի կիրառվում, ինչպես մի շարք այլ օրենքներ, որոնք ընդունվել և ընդունվում են պատգամավորական, խորհրդարանական վիճակագրություն ապահովելու համար:
Ըստ ամենայնի, չգործող օրենքների թվով Հայաստանը շուտով կարող է հավակնել Գինեսի ռեկորդակրության:
Մինչդեռ ընդունվող, ընդ որում այդ ընթացքում տեղեկատվական դաշտում լայնորեն քարոզվող, իսկ դրանից հետո արդեն հետևողականորեն չկիրառվող օրենքները ունեն քայքայիչ լայն ազդեցություն: Դրանք պետության հանդեպ հանրային գիտակցության քայքայիչ տարրեր են: Ընդունվող, ընդ որում շեփորումով ընդունվող, սակայն չկիրառվող օրենքը այլ բան չէ, քան հանրային գիտակցության մեջ պետությունն արժեզրկող, պետական ինստիտուտների հանդեպ անլրջություն խթանող սերմեր»: