«Անդրանիկ Քոչարյանի ծիծաղը շատ բանի մասին է վկայում». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է. «44-օրյա պատերազմի հանգամանքները քննող խորհրդարական հանձնաժողովը չի շտապում քննել, պարզել պատերազմում մեր պարտության պատճառները, երևի իրենց դա հետաքրքիր չէ, կամ՝ գիտեն դրա պատասխանը։ Այդ հանձնաժողովի նախագահ, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի ծիծաղը Լաչինի միջանցքի փակ լինելու վերաբերյալ, շատ բանի մասին է վկայում։
Երբ ես գնում եմ խանութ՝ 15 հազար դրամանոց կոշիկ գնելու, հետս մարդ եմ տանում, որ նա օգտակար խորհուրդներ տա, կոշիկը շատ անգամ, տնտղում եմ, փորձում, բա 130-160 միլիոն դոլարով 4 հատ ՍՈՒ-30 ինքնաթիռ գնեցին, այդ կապակցությամբ ՊՆ հանձնաժողով չկա՞ր, դրա անդամները չտեսա՞ն, որ ինքնաթիռները հրթիռներ չունեն, թե՞ դրանք գնել էին միայն այն բանի համար, որ Նիկոլ Փաշինյանը դրանցով սելֆի անի»։