«Չեմ հասկանում տասնյակ լիտրերով ձեթ առած ու տանը դրած մարդկանց»․ Ռուբեն Վարդանյան

«Չեմ հասկանում տասնյակ լիտրերով ձեթ առած ու տանը դրած մարդկանց, չէ՞ որ մենք բոլորս մի նավի մեջ ենք։ Մենք պետք է ինչ ունենք՝ կիսենք միմյանց մեջ, սա է առողջ հասարակությունը»,-ֆեյսբուքյան եթերում՝ խոսելով մի շարք խնդիրներից, ասաց Արցախի պետական նախարար Ռուբեն Վարդանյանը:

«Էն օրինակները, որ բերեցի՝ չընդունենք որպես ճիշտ ու «լավ տղերքի» ապրելաձև։ Մենք դրա հետևից չպիտի գնանք, այլ այն մարդկանց հետևից, ովքեր ուրիշ ձև են ապրում՝ շատ ծանր վիճակի մեջ են, բայց զուսպ և հանգիստ գործ են անում»,- ասաց պետնախարարը։

Նա հավելեց, որ Արցախում իրավիճակն իսկապես բավական ծանր է, վաղը տեղի կունենա ԱՀ կառավարության նիստ, որի ընթացքում կնդունվեն մի շարք որոշումներ: