Ռուս հրամանատարը նռնակ է պայթեցրել զորամասում, կան զոհեր

Ռուս զինծառայողը նռնակ է պայթեցրել Բելգորոդի շրջանի ստորաբաժանման տարածքում, ինչից հետո հրդեհ է բռնկել, հայտնում են ռուսական լրատվամիջոցները։

«Հունվարի 14-ին դասակի հրամանատար, ավագ սերժանտը պայթեցրել է ՌԳԴ-5 նռնակը։ Հրդեհի մակերեսը կազմել է 450 քառ. մ: Սրա պատճառով պայթել է զինամթերքը, որը եղել է զենքի պահեստում։ Պայթյունի հետևանքով, ըստ նախնական տվյալների, զոհվել է 3 զինծառայող, 16 մարդ վիրավորվել է, ևս 8-ը անհետ կորել են։ Հարուցվել է քրեական գործ»,- ասված է հաղորդագրությունում։