Թուրքիայում զրոյից պետք է կառուցվի 400 հազար շենք

816

Հինգշաբթի, 16 փետրվարի, 2023 թ., 00:30

Թուրքիայի՝ երկրաշարժից տուժած շրջաններում մոտ 300000 նոր բնակելի շենք է կառուցվելու՝ կորցրած բնակարանային ֆոնդը փոխարինելու համար։ Այս մասին հայտնում է Yeni Şafak թերթը։
Լայնածավալ ստուգումների արդյունքում պարզվել է, որ ավելի քան 211 հազար շինություն ստացել է ծանր կամ կրիտիկական վնաս։ Ընդհանուր առմամբ, ստուգվել է մոտ 370 հազար շենք։ Տուժած 10 գավառներում 400000 շենք պետք է նորից կառուցվեն, որից մոտ 300000-ը բնակարանային ֆոնդեր են։ Թուրքիայի Բնակարանային զարգացման վարչությունն արդեն սկսել է վերականգնման ծրագրի իրականացումը։ Առաջին փուլում այն կկառուցի 30000 շինություն, մինչև հունիս այդ թիվը կհասնի 100000-ի։

Փորձագետները պարզել են, որ ավերված շենքերի 98%-ը կառուցվել է մինչև 1999 թվականը, երբ երկիրը ավերիչ երկրաշարժ ապրեց։ Շենքերի մեծ մասի փլուզման պատճառն այս անգամ մասնագետներն անվանել են շենքերի հիմքերի տակ գտնվող հողի հեղուկացումը։ Դա տեղի է ունեցել պատշաճ կերպով կառուցված ստորգետնյա կոմունիկացիաների բացակայության և նախագծման ու շինարարության մեջ ինժեներական բացթողումների պատճառով: