Թուրքիան մտադիր չէ հետաձգել նախագահական ընտրությունները

Թուրքիայի իշխանությունները չեն պատրաստվում հետաձգել նախագահական ընտրությունները երկրաշարժերի պատճառով և կողմ են, որ դրանք անցկացվեն մայիսի 14-ին։ Այս մասին շաբաթ օրը հայտնել է Habertürk հեռուստաալիքը՝ վկայակոչելով նախագահ Ռեջեփ Թայիփ Էրդողանի գլխավորած Արդարություն և զարգացում կուսակցության և իշխող «Ժողովրդական դաշինք» կոալիցիայի մաս կազմող «Ազգային միաբանություն» կուսակցության աղբյուրներին։

Թուրքական ընդդիմությունը պնդում է, որ համապետական ​​նախագահական և խորհրդարանական ընտրությունները չհետաձգվեն և անցկացվեն մայիսի 14-ին։ Ավելի վաղ ընդդիմադիր լրատվամիջոցները պնդում էին, որ թուրքական իշխանությունները կարող են տեղափոխել ընտրությունները իրենց երկրին պատուհասած ավերիչ երկրաշարժերի պատճառով։ Սահմանադրության համաձայն՝ ընտրությունները երկրում պետք է անցկացվեն հունիսի 18-ից ոչ ուշ։