Թուրքիայի և Սիրիայի սահմանին կրկին երկրաշարժ է եղել

6,3 մագնիտուդ ուժգնությամբ ևս մեկ երկրաշարժ է տեղի ունեցել Սիրիայի և Թուրքիայի սահմանի մոտ։ Այս մասին հայտնում է Եվրոպական սեյսմոլոգիական կենտրոնը։

Երկրաշարժի էպիկենտրոնը գտնվել է Թուրքիայի Անթաքիա քաղաքից 9 կիլոմետր հեռավորության վրա և Սիրիայի Լաթաքիա քաղաքից 75 կմ հեռավորության վրա։

CNN Turk-ի փոխանցմամբ՝ երկրաշարժը զգացվել է նաև Թուրքիայի Հաթայ նահանգում։ Այն ավերածություններ է առաջացրել տարածաշրջանում։