Թուրքիան ցնցված է նոր երկրաշարժերից. փլատակների տակ մարդիկ կան, հաղորդվում է զոհերի մասին

725

Երկուշաբթի, 20 փետրվարի, 2023 թ., 23:42

Թուրքիայի Հաթայ նահանգում նոր երկրաշարժերի հետևանքով մեկ կին է մահացել։ Այս մասին հայտարարել է Թուրքիայի ներքին գործերի նախարար Սուլեյման Սոյլուն։ Նրա խոսքով՝ չորս մարդ մնացել է փլատակների տակ։

Նրանցից մեկին արդեն հաջողվել է փրկել, մնացածներին փրկելու աշխատանքները շարունակվում են»,- ասել է Սոյլուն։

Հաթայի երկրաշարժից տուժած ութ մարդ տեղափոխվել է հիվանդանոցներ, հայտնել է Թուրքիայի փոխնախագահ Ֆուաթ Օքթայը։

Թուրքիայի նախագահ Ռեջեփ Թայիփ Էրդողանը, ով փետրվարի 20-ին այցելել է Հաթայ նահանգ, նոր երկրաշարժի պահին գտնվել է մեկ այլ շրջանում՝ Քահրամանմարասում, հայտնում են թուրքական լրատվամիջոցները։