«Ըստ երևույթին, Մյունխենում ինչ-որ պայմանավորվածություն է ձեռք բերվել հայ-ադրբեջանական բանակցությունների մասով». Ա. Աբովյան

ՀՀ ԱԺ նախկին պատգամավոր Արման Աբովյանը գրում է. «Միացյալ Նահանգների պետքարտուղարության ներկայացուցիչ Նեդ Փրայսը հայտարարեց, որ Եվրոմիությունը հրավիրել է Հայաստանի և Ադրբեջանի ղեկավարներին մոտ օրերս հանդիպել Բրյուսելում։
Հետաքրքիր է, որ Եվրոպական նախաձեռնության մասին ավելի շատ խոսում են ամերիկացիները, սակայն մի կողմ դնելով այս կարգի «տարօրինակությունները», պետք է փաստել, որ ըստ երևույթին, Մյունխենում ինչ-որ մի պայմանավորվածություն է ձեռք բերվել հայ-ադրբեջանական բանակցությունների մասով և հիմա պայմանական Արևմուտքը շատ, շատ, շատ արագ փորձում է ամրագրել իր այդ «հաղթանակ»-ը։
Պարզ է, որ թե՛ ամերիկացիներին, թե՛ եվրոպացիներին խորապես միևնույն է, թե ինչ կլինի Հայաստանի և Արցախի հետ, եթե հանկարծ ամեն ինչ ընթանա համաձայն բանակցությունների արևմտյան սցենարի (հիշեցնեմ, որ համաձայն այսպես կոչված «խաղաղության պայմանագրի» վաշինգթոնյան տարբերակի, Արցախը պետք է հանձնվի Ադրբեջանին, այսինքն ֆիզիկապես ոչնչանա)... և հաշվի առնելով իրավիճակի արագ զարգացումները, մի հարց... այդ ինչի՞ մասին են պայմանավորվել մեր «ազգասեր, թավշյա և ոչ բռնի» իշխանությունները, եթե ամերիկացիները և եվրոպացիներն իրենց ուղղակի մեջտեղից պատռում են, որ շուտ ամրագրեն ինչ որ իրողություններ։
Հնն՞»: