«Եթե մի բան չի ստացվել՝ չի նշանակում, որ կարան մեզ մեղադրեն ժողովրդին խաբելու մեջ». Սաղաթելյան

«Պետք է հասկանանք՝ որտե՞ղ ենք սխալվել, ի՞նչ բացթողումներ ենք ունեցել, ի՞նչը պետք է արվի լավ՝ անենք: Իսկ եթե կան մարդիկ, որ ավելի լավ կարող են անել, թող անեն, միայն կողջունենք, եթե անող չլինի՝ մենք միշտ կանք ու անելու ենք»,- այս մասին հայտարարել է «Դիմադրություն» շարժման համակարգող, ԱԺ «Հայաստան» խմբակցության պատգամավոր Իշխան Սաղաթելյանը: Նրա խոսքով՝ պայքարից հետ կանգնել չկա. «Մենք անկեղծ ենք ու անմնացորդ, բայց եթե մի բան չի ստացվել՝ չի նշանակում, որ որևէ մեկն իրավունք ունի ու կարա մեզ մեղադրի ժողովրդին խաբելու մեջ»,- շեշտել է Սաղաթելյանը:

Ավելի վաղ Սաղաթելյանն ասել էր, որ ընդդիմությունն իր պայքարը վերաիմաստավորելու, վերակազմակերպելու, իրական համախմբման գնալու, հասարակության լայն շերտերի հետ աշխատելու խնդիր ունի. «Եթե ԱՀ-ում ու ՀՀ-ում առողջ ուժերի անկեղծ համախմբում տեղի չունենա, մեր առջև դրված խնդիրները չենք կարողանալու լուծել: Դաշտը պետք է բյուրեղացվի և պատրաստվենք մեր պայքարի հաջորդ փուլին»,- նշել էր ընդդիմադիր գործիչը: