«Փաշինյանը փորձում է փախչել իր իսկ ստորագրած փաստաթղթից՝ դրանով օր օրի բերելով նոր կորուստներ». Վ. Հարությունյան

ՀԱԿ ակտիվիստ Վարդան Հարությունյանի գրառումը. «2020-ի նոյեմբերի 9-ից հետո՝ աննախադեպ պատուհասի բառերով ասած իշխանությունը գցած էր և առ այսօր գցած է Երևանի փողոցներում։ Բոլոր քիչ թե շատ ազդեցիկ ուժերը կարող էին և կարող են հանգիստ վերցնել այդ։ Սակայն դա ոչ մեկին պետք չէր և չէ, որովհետև Փաշինյանը կապիտուլացիա էր կնքել և ոչ մեկ չէր ցանկանում և չի ցանկանում ստորագրել դրա տակ։ Փաշինյանը փորձում է փախչել իր իսկ կողմից ստորագրված նոյեմբերի 9-ի փաստաթղթից և դրանով օր օրի բերում է նոր կորուստներ և մոտեցնում մեծ աղետը։ Քոչարյանական ուժերը սպասում են մինջև Փաշինյանը ստորագրի վերջնական կապիտուլացիոն ակտը, որպեսզի հանգիստ իշխանություն վերցնեն։ Սերժական ուժերը ընդիմություն խաղալով՝ ամեն ինչ անում են, որ ասպարեզից հանեն Քոչարյանին։ Տեր Պետրոսյանական ուժը և Կաթողիկոսը փորձեց այս ամենը համախմբել և միասնական պատասխանատվություն վերցնելով՝ երկիրն այս վիճակից հանել, որպեսզի կապիտուլացիան ոչ մեկի վզին չմնա և խուսափեն այս կոմպլեքսից ու երկիրն այս ծանր վիճակից դուրս գա։ Սակայն դա մերժվեց՝ այս ուժերի կողմից և չհասկացվեց լայն հասարակական շերտի կողմից։
Հիմա մենք օր օրի մխրճվում ենք աղետի մեջ՝ մեկ ծափահարելով արևմտյան քիմքին հաճո ժեստերին, մեկ՝ ռուս խաղաղապահներին։
Հուսով եմ ինքնապահպանման բնազդը կաշխատի և մի պահ գիտակցության կգանք և կխուսափենք աղետից։
Խաղաղություն և տոկունություն հայոց աշխարհին»։